Die lyk van ‘n bejaarde boer van Stella in Noordwes is vasgebind aan ‘n boom, met ‘n koeëlwond in die voorkop, gevind.
Die lyk van ‘n bejaarde boer van Stella in Noordwes is die naweek vasgebind aan ‘n boom gevind. Hy het ‘n koeëlwond in die voorkop gehad.
Luidens ‘n berig op Nuus24 is die lyk van die 77-jarige mnr. Boet Cilliers die naweek op sy plaas Erfdeel gevind. Hy is ook glo erg aangerand. Sy bakkie is verlate langs die pad gevind, waarna ‘n soektog na hom op tou gesit is.
Cilliers was ‘n wewenaar en het alleen gewoon. Hy het sy hele lewe op die plaas gewoon. Hy laat drie kinders en ‘n kleinseun wat hy grootgemaak het, agter.
Bron: Nuus24
31 Januarie 2012
