Die kenners waarmee hy tot dusver gepraat het, sê boere moet hoopvol wees dat die uitbreking van bek-en-klouseer in die binneland onder beheer gebring kan word, sê mnr. Gerhard Schutte, voorsitter van die Rooivleisprodusente-organisasie (RPO).
Hy sê dit is moontlik om dié siekte te beheer indien dit in geïsoleerde gevalle voorkom en die RPO sal alles in hul vermoë doen om dit te doen.
Schutte sê die mense wat met die siekte “smokkel” sal nie net boetes opgelê word nie – hulle sal in die tronk gesit word. “Die bedryf het reeds aangedui dat heffings vir die nakoming van regulasies gebruik kan word om dit te doen. Ons gaan nie net niks doen nie, ons gaan hierdie ouens kry.”
Hy voeg by dat die stemboodskap wat gister die ronde gedoen het en beweer dat ’n noodtoestand weens die uitbreking moontlik aangekondig sal word, is onwaar en moet geïgnoreer word.
