Aandeelhouers van BKB en GWK is in 'n nuusverklaring ingelig dat die rade van dié landbou-reuse in die gees van samewerking en vennootskap vir wedersydse voordeel, tans in gesprekke is om gesamentlik die geleentheid te ondersoek om hul besighede te kombineer.
In die verklaring, wat deur mnr. Chris Louw, voorsitter van BKB, en mnr. Frank Lawrence, voorsitter van GWK, uitgereik is, word gesê: “Daar word voorsien dat hierdie unieke geleentheid nagestreef sal word deur die vestiging van 'n nuwe wêreldklas gefokusde landbougroep om:
* 'n Nóg beter, meer effektiewe en geïntegreerde aanbieding aan landbouprodusente te verskaf.
* Te verseker dat die gesamentlike besighede geposisioneer is om beide deurgaans relevant te bly binne 'n veranderende landbousektor asook om te kan kapitaliseer op geleenthede wat hulself voordoen.
* Wesenlike waarde vir aandeelhouers en ander belanghebbendes te ontsluit.
Enige nuwe verwikkelinge in hierdie verband sal tydig aan BKB en GWK se aandeelhouers gekommunikeer word, lui die verklaring.
