Foto: Alani Janeke
’n Ondersoek duur voort nadat ’n helikopterongeluk op ’n plaas by Parys in die Vrystaat ’n boer se lewe geëis het.
Mnr. Jurie Wessels (71) het Maandagoggend van ’n plaas by Odendaalsrus opgestyg. Terwyl hy op die plaas Rockridge by Parys probeer land het, het die helikopter kragdrade getref. Wessels het beheer oor die helikopter verloor en dit het neergestort.
Volgens die burgerlike lugvaartowerheid was hy die enigste insittende in die helikopter en is hy tydens die ongeluk oorlede.
Die ongeluk word ondersoek. Die bevindinge van die ondersoek sal bespreek word in die finale verslag wat binne die volgende 12 maande uitgereik sal word.
