AFGRI
BEAN
23 Sep
-
9590
0,00
CORN
23 Sep
-
4825
0,00
SOYA
23 Sep
-
9400
0,00
SUNS
23 Sep
-
10278
0,00
WEAT
23 Sep
-
6944
0,00
WMAZ
23 Sep
-
4799
0,00
YMAZ
23 Sep
-
4724
0,00
AMT
Ave Wool - Non RWS
16 Sep
-
166,31
0,00
Ave Wool - RWS
16 Sep
-
174,76
0,00
Beeste A2/3
16 Sep
-
60,68
-0,67
Beeste AB2/3
16 Sep
-
56,6
-0,92
Beeste B2/3
16 Sep
-
52,85
-1,51
Beeste C2/3
16 Sep
-
50,84
1,51
Bevrore Hoender
16 Sep
-
31,02
-0,01
Bokkies (onder 30 kg)
16 Sep
-
75,48
18,07
Bokooie
16 Sep
-
45,78
3,28
Groot (meer as 40 kg)
16 Sep
-
44,01
5,77
Hoender (IQF)
16 Sep
-
30,23
0,48
Medium (30-40kg)
16 Sep
-
53,08
10,03
Pork Average
16 Sep
-
27,22
-0,34
Poultry Average
16 Sep
-
31,03
-0,15
Skaap A2/3
16 Sep
-
95,57
2,81
Skaap AB2/3
16 Sep
-
86
2,91
Skaap B2/3
16 Sep
-
79,77
0,66
Skaap C2/3
16 Sep
-
75,06
0,47
Speenkalf
16 Sep
-
37,59
-0,66
Spekvarke
16 Sep
-
27,98
-0,75
Stoorlammers
16 Sep
-
43,3
0,38
Varkwors
16 Sep
-
22,4
-0,17
Vars Hoender
16 Sep
-
31,83
-0,92
Vleisvarke
16 Sep
-
27,17
-0,28

Boere, moenie swyg oor skuld – kenners

Boere wat weens die droogte geldelik in die knyp is, moet so gou as moontlik met hul finansierders gaan gesels, sê kenners.

Finansiële kenners se belangrikste boodskap aan boere wat weens die droogte geldelik in die knyp is, is om so spoedig moontlik met hul finansierders oor herskedulering van skuld en verdere finansiering te praat en nie te wag tot die kalf in die put is nie.

Mnr.Dawie Maree, hoof van landbou-inligting en bemarking by ENB, sê daar is nie ’n “kombers-benadering” om boere met skuld te help nie. Elke aansoek of geval word op eie meriete evalueer. “Banke is oor die algemeen bereid om te help waar hulle kan, maar natuurlik binne die raamwerk van die Nasionale Kredietwet.

“Boere behoort egter nou goeie besigheidsbesluite te neem. Waar reserwes uitgeput raak kan hulle van nie-produktiewe bates verkoop om te verseker dat produktiewe bates behoue bly. Hulle moet ook probeer om streng te hou by kontantvloei-begrotings en beplanning aanpas om verpligtinge sover moontlik na te kom."

Regte besluite

“Dit is belangrik dat die boer eerlik met die bank moet wees sodat die regte besluite geneem kan word. Die opsies sal uiteraard verskil, maar kan enige iets wees van herstrukturering van skuld tot kapitaal-moratoriums.”

Dr. John Purchase, uitvoerende hoof van Agbiz, sê die invloed van die groot droogte oor die hele land sal nog 'n paar jaar duur, veral vir boere wie se balansstate erg geknou is. “Die kommersiële banke, Land Bank en landboubesighede het verlede jaar onderneem om, waar moontlik, produsente te ondersteun met herskedulering van skuld om hulle sodoende op hul plase te hou.”

In die somerreëngebiede het dit, tesame met goeie reënval, daartoe gelei dat rekord-mielie- en sojaboon-oeste gerealiseer kon word. Hier kon die meeste produsente hul skuld delg, nieteenstaande aansienlik swakker kommoditeitspryse, sê Purchase.

In die Suid-Kaap

In die Suid-Kaap bemoeilik die droogte boere se weidingsbestuur en bring groot geldelike gevolge mee. Mnr. Henk Agenbach, uitvoerende hoof van Die Koöperasie in Humansdorp, sê volgens kenners was die laaste nege maande die droogste opeenvolgende maande in 91 jaar.

Agenbach sê Die Koöperasie is uiters simpatiek oor die situasie. “Kenners word ingebring en spesialis-lesings aangebied om boere raad te gee, soos hoe om met minder water te boer.”

“Boere probeer om die las op grond ligter te maak, en om geld te bekom om voer te koop.” Boere verkoop dus meer verse en koeie wat nie bevredigend produseer nie.

Melkboere se aangeplante weidings

“In ons omgewing gebruik melkboere aangeplante weidings. Weens die droogte moet boere noodwendig ruvoer inkoop, wat 'n geweldige finansiële las tot gevolg het. Vergeleke met dieselfde periode verlede jaar, het Die Koöperasie se regstreekse bemarkingstak 'n 200%-styging ervaar in volume voer gehanteer.”

Die Koöperasie ondersoek moontlikhede om te voorsien in sy lede se behoefte om deur konsolidasie skuld oor 'n langer termyn af te betaal om só kontantvloei te verbeter.

Daar is reeds 'n toename in die konsolidering van lede-rekeninge by banke, sê Agenbach.

In die Wes-Kaap

Oor die situasie in die Wes-Kaap, het Maree gesê dit is nog te vroeg om die ware impak te bereken. Dit hang baie af van die bedryf waarbinne die boer werk, soos lewende hawe, vrugte, grane, en so aan.

“Met grane sal ons teen einde September tot middel Oktober ’n baie beter gevolgtrekking kan maak. Indien dit nie reën sal ons ook groot uitdagings in die vrugtebedrywe moet trotseer. Ons het alreeds gesien dat daar ‘n afname was in werksgeleenthede in die vrugtebedryf weens laer produksie.”

Maree sê die Wes-Kaap is Suid_Afrika se belangrikste provinsie wat die uitvoer van landbouprodukte betref. As die droogte voortduur kan dit ernstige gevolge vir die landbou-ekonomie en ook nasionale ekonomie inhou. Landbou en voedselverwerking sorg ook vir 18% van die werksgeleenthede in die provinsie. Dit is 24,5% van die werksmag in Suid-Afrikaanse landbou.

* Geskryf deur Carien Kruger en Nico van Burick

Boer vooruit met ’n Landbou.com-intekening
Teken in op Landbou.com teen R149 per maand en kry toegang tot gehalte-joernalistiek, alle landboutydskrifte, Landbouweekliks-episodes, boeke en baie meer.
Teken in
Smalls

Besoek ons geklassifiseerde advertensies en plaas jou advertensie in Landbouweekblad én aanlyn. Vind ook vinnig en maklik die produk waarna jy soek!

Sien meer
Rand - Dollar
17.96
-2.0%
Rand - Pond
19.39
+0.3%
Rand - Euro
17.36
+0.0%
Rand - Aus dollar
11.70
+0.0%
Rand - Jen
0.12
+0.1%
Goud
1,643.40
-0.0%
Silwer
18.87
0.0%
Palladium
2,073.00
0.0%
Platinum
858.50
0.0%
Brent-ruolie
86.15
-5.0%
Top-40
57,110
-3.1%
Alle aandele
63,417
-2.9%
Hulpbronne 10
56,319
-7.5%
Industriële 25
78,436
-1.2%
Finansiële 15
14,142
-1.6%
Alle JSE-data is met minstens 15 minute vertraag Iress logo
Besoek ons winkel!

Besoek die LBW-winkel en koop verskillende produkte soos boeke, tydskrifte, klere en meer.

Besoek LBW-winkel
Opsitkers
Wat se jy, ek en jy loop die pad saam tot in Ewigheid.
Ag dis nie my keuse om vir iemand te seh hul moet my leer ken nie. Ek gaan nie eers my tyd mors nie, maar ek sal my tyd gee vir die wat my regtigwaar wil leer ken en n pad saam...
Dis tyd om te leef!!!!
Ek is reg om my beste maatjie te ontmoet. Ek het baie liefde om te gee vir die regte mens, ek is die vrou wat vir jou 'n sexy briefie in die sak van jou baadjie los om...
Vind jou perfekte maat nou!
Ek is 'n:
Op soek na:
Ouderdomsgroep: tot