Brittanje beleef tans ’n ernstige tekort aan groente, veral tamaties, nadat supermarkvoorrade deur ontwrigte oeste in Suid-Europa en Noord-Afrika geraak is.
Volgens die British Retail Consortium (BRC), wat al die groot supermarkte verteenwoordig, kan die tekort toegeskryf word aan slegte weeromstandighede wat die opbrengs van ’n reeks gewasse, waaronder kommerkommers, blaarslaai, tamaties en soetrissies, beïnvloed het.
Gedurende sy winter voer Brittanje van Desember tot Maart 95% van sy tamaties en 90% van sy blaarslaai in – veral uit lande soos Marokko en Spanje.
