Mpumalanga het nie tans ’n groot varsproduktemark nie; die twee naaste groot markte is die Johannesburg-mark en die Tshwane-varsproduktemark. Die Mpumalanga-internasionale varsproduktemark wil boere, groot en klein, bystaan om die beste moontlike blootstelling en pryse vir hul produkte te kry.
Die mark beoog om die grootste moontlike verskeidenheid groente, vrugte en slaaie aan handelaars en verbruikers in en om Mpumalanga beskikbaar te maak, en vars produkte wat hier verhandel word, sal ook hul weg na Eswatini en Mosambiek vind.
Die projek is deur die Mpumalanga-agentskap vir ekonomiese groei (Mega) geïnisieer en die departement van openbare werke is betrokke by die bouwerk. Die huidige boufase beloop R1,2 miljard. Die markgebou is reeds opgerig, en daar word nou op interne infrastruktuur gekonsentreer.
