In sy hofaansoek wat by die hooggeregshof in die Wes-Kaap en Kimberley ingedien is, maak hy bewerings van bedrog teenoor die Land Bank.
Sy appèlaansoek teen die finale sekwestrasie en likwidasie van sy ander entiteite weens skuld van R80 miljoen aan die Land Bank word in April in die hooggeregshof in Kimberley aangehoor.
Die jongste aansoek om ’n interdik gaan gepaard met verklarings waarin me. Shanie Taljaard, direkteur van Curro Consultancy en ’n krediteur van Van der Merwe, namens die boerderye bewerings maak dat bedrieglike voorstellings gemaak is. Die Land Bank en die likwidateurs het na bewering nie die locus standi (die reg of kapasiteit om ’n aansoek te bring) om die aansoeke om likwidasie en sekwestrasie te bring nie.
