Die bekende Vrystaatse boer mnr. Crawford von Abo en sy vrou is op hul plaas buite Bothaville aangeval.
Luidens ’n berig op Beeld se webwerf het die aanval Sondagoggend plaasgevind. Sewe gewapende mans het douvoordag saam met huiswerkers in die huis ingestap en geld gevra.
“Een het gesê hy gaan my keel afsny, maar ek het vir hom gesê ek is nie bang vir hom nie. Toe dreig hy om my dood te skiet,” sê Von Abo. Die man het ’n deurstopper opgetel en Von Abo oor die kop geslaan. Dit was toe dat Von Abo vir hom sê hy is nie bang nie.
Op die ou end is hulle met geld en selfone daar weg nadat hulle Von Abo, sy vrou, Bibi (79), en die drie werkers se hande vasgebind en hulle in ’n kamer toegesluit het.
“Gelukkig was ek nog nooit in my lewe bang nie, ek raak net kwaad,” sê Von Abo.
Von Abo was in die 1990’s die grootste enkele boer in Zimbabwe. Hy het oor ’n halfeeu daar 14 plase van niks af nie opgebou en 10 plaasbestuurders en 1?000 werkers in diens gehad. Hy R700?miljoen se plase en bates in grondvergrype in Zimbabwe verloor.
* Lees die volledige berig op Beeld.com
