AFGRI
BEAN
03 Feb
-
9600
0,00
CORN
03 Feb
-
4600
0,00
SOYA
03 Feb
-
9571
0,00
SUNS
03 Feb
-
11718
0,00
WEAT
03 Feb
-
6685
0,00
WMAZ
03 Feb
-
4372
0,00
YMAZ
03 Feb
-
4397
0,00

Die kaas op jou Big Mac dalk eersdaags van SA

akkreditasie
0:00
play article
Intekenare kan na hierdie artikel luister
Die nuwe Sundale-Schreiber-kaasaanleg in die Oos-Londense nywerheidsgebied. Foto: Verskaf
Die nuwe Sundale-Schreiber-kaasaanleg in die Oos-Londense nywerheidsgebied. Foto: Verskaf
’n Fabriek wat skywe kaas lewer is onlangs Oos-London se nywerheidsgebied geopen.

Suid-Afrikaners gaan eersdaags al hoe meer plaaslik vervaardigde kaassnitte op hul Big Mac-burgers kan proe danksy ’n gesamentlike onderneming tussen ’n Oos-Kaapse melkverwerker en ’n groot Amerikaanse melkverwerker.

Die Sundale Dairy van Oos-Londen in die Oos-Kaap het verlede maand, as deel van ’n gesamentlike onderneming met die internasionale maatskappy Schreiber Foods, ’n fabriek wat skywe kaas lewer, in dié stad se nywerheidsgebied geopen.

Dié moderne Sundale-Schreiber-aanleg het R97,1 miljoen gekos. Dit sal verwerkte kaas aan kitskosrestaurante verskaf. Altesaam 70% van dié produk word tans nog ingevoer. Die gesamentlike onderneming verskaf tans ingevoerde kaassnitte aan Burger King en McDonald’s in Suid-Afrika, maar dit gaan vervang word met die aanleg se plaaslik vervaardigde produkte. Plaaslike melk sal gebruik word om vanaf November jaarliks 7 000 ton kaassnitte vir die plaaslike en Afrikamark te vervaardig.

“Ons het iets geskep wat globaal, maar persoonlik is. Ons deel ’n kultuur waar ons altyd ouditgereed is en toegespits is daarop om veilige produkte aan ’n mark te lewer wat konstante gehalte en voedselveiligheid vereis,” sê mnr. Pierre van Rensburg, uitvoerende hoof van Sundale Dairy. Hy voeg by dat sy maatskappy en Schreiber Foods albei die visie het om uitmuntende gehalte, diens en innovering te lewer.

Die gesamentlike ooreenkoms is ’n belegging in die hele verwerkingsproses, van die verwerking van die produk gedurende die kookproses, regdeur tot die gietlyn en omhulselverpakking, wat gedoen word met ingevoerde toerusting uit Italië. Die moderne fabriek is deur Schreiber Foods ontwerp. Behalwe die belegging van R97 miljoen in die aanleg is ’n verdere R50 miljoen in verwerkingstoerusting belê.

Die doelstelling van die fabriek is om ’n uiters skoon spasie te skep in ’n inherent morsige vervaardigingsomgewing, met voedselveiligheid en veiligheid oor die algemeen wat prioriteit sal geniet.

“Die Sundale-Schreiber-aanleg is ’n wêreldklasfabriek wat toon dat Oos-Londen goed geleë is as ’n globale middelpunt vir vervaardiging. Ons mik daarna om globale beleggings na die stad te lok deur ons vennootskap,” sê mnr. Brad McNeely, Schreiber se bedryfsbestuurder van nuwe projekte.

Werksgeleenthede

Die maatskappy stel reeds 530 mense aan en beoog om 600 mense binne die volgende twee jaar aan te stel, met 40 werksgeleenthede wat reeds danksy die vennootskap geskep is.

Die gesamentlike onderneming skep geleenthede vir onder meer voedseltegnoloë, bedryfs- en proses-ingenieurs en tegnici. Dit is ’n welkome hupstoot vir ’n sektor wat staatmaak op uitvoergeleenthede vir volhoubaarheid.

Altesaam 99% van die grondstowwe, verpakking en bestanddele sal plaaslik verkry word, met die oogmerk om 95% daarvan uit die Oos-Kaap te verkry.

Sundale vervaardig reeds ander melkprodukte soos jogurt, botter, kaas, roomkaas en melk onder die Sundale-handelsmerk met melk van 18 plaaslike melkprodusente. Hy het ruimte om nog melkprodusente te betrek.

Screiber Foods is ’n melkverwerker van Amerika met 75 jaar ondervinding in die mark vir verwerkte kaas. Die maatskappy lewer sedert 1969 kaassnye vir die Big Mac. Een van McDonald’s se sleutelvereistes is dat die kaassit aan die burgerfrikkadel en broodrolletjie moet kleef.

“Die eindproduk is sonder preserveermiddels, bevat natuurlike melkproteïene en bied uitstekende funksionaliteit wat lei tot eenvormigheid in kleur en snit van die snye, wat dit ideaal maak vir die kitskossektor,” sê Van Rensburg.
Boer vooruit met ’n Landbou.com-intekening
Teken in op Landbou.com teen R149 per maand en kry toegang tot gehalte-joernalistiek, alle landboutydskrifte, Landbouweekliks-episodes, boeke en baie meer.
Teken in
Smalls

Besoek ons nuwe webwerf vir geklassifiseerde advertensies en plaas jou advertensie in LBW én aanlyn. Vind ook vinnig en maklik die produk waarna jy soek!

Sien meer
Rand - Dollar
17.05
+0.2%
Rand - Pond
20.83
+0.3%
Rand - Euro
18.58
+0.4%
Rand - Aus dollar
12.04
+0.4%
Rand - Jen
0.13
+0.2%
Platinum
1,024.56
+1.3%
Palladium
1,669.70
+0.0%
Goud
1,915.54
+0.2%
Silwer
23.51
+0.2%
Brent-ruolie
82.17
-0.8%
Top-40
73,629
0.0%
Alle aandele
79,802
0.0%
Hulpbronne 10
74,686
0.0%
Industriële 25
102,624
0.0%
Finansiële 15
16,551
0.0%
Alle JSE-data is met minstens 15 minute vertraag Iress logo
Besoek ons winkel!

Besoek die LBW-winkel en koop verskillende produkte soos boeke, tydskrifte, klere en meer.

Besoek LBW-winkel
Opsitkers
🎶 All we need is love
Onafhanklik, goeie waardes, sin vir humor, diere liefhebber, sagte hart. Geniet Park runs op Saterdae, beoefen skyf skiet as ook Karate. Mal oor musiek en geniet n rit op my...
Betroubare opregte mense is n maklike humoristiese mens en kom
Ek is n Vriendelike omgee mens met hope humor en Bae liefde vir my medemens. Geniet die buite lewe en vang graag vis en Kamp graag. H
Vind jou perfekte maat nou!
Ek is 'n:
Op soek na:
Ouderdomsgroep: tot