1 MILJOEN MASSEY FERGUSONS
’n Aanleg in Beauvais in die noorde van Frankryk het vroeër vandeesmaand die miljoenste Massey Ferguson-trekker vervaardig. Dié trekker, ’n MF 8S.305 Dyna-VT, gaan voortaan diens doen in die besigheid van mnr. Thierry Aubreée, ’n saaiboer en kontrakteur van die dorpie La Chapelle des Fougeretz in die Bretagne-streek in Frankryk. Dié model is nie in Suid-Afrika verkrygbaar nie. Dit het ’n 7,4-liter Agco Power-enjin wat 1 280 Nm wringkrag van 1 000-1 500 r/min. opwek. Die fabriek in Beauvais het in 1960 Massey Fergusons begin vervaardig, en die eerste model wat daar gebou is, was die MF 825-model. FOTO: VERSKAF
Landbousakevertroue het volgens die jongste indeks van Agbiz en die Nywerheidsontwikkelingskorporasie hieroor in die tweede kwartaal vanjaar met 2 punte tot 60 gedaal. Die subindeks oor algemene ekonomiese toestande het met 5 punte tot 43 gedaal. Die neutrale punt is 50.
Die oorhoofse punt van 60 dui daarop dat landboubesighede breedweg steeds optimisties is oor bedryfstoestande in Suid-Afrika, maar die lae punt oor algemene ekonomiese toestande weerspieël onsekerheid weens geopolitieke spanning, inflasie, ’n verstadiging in internasionale ekonomiese groei en plaaslike faktore soos beurtkrag, sê mnr. Wandile Sihlobo, hoof- ekonoom van Agbiz.
Lees hier meer.
Teken in op Landbou.com en kry toegang tot die beste joernalistiek en eksklusiewe produkte.
