Volgens die departement van minerale hulpbronne en energie was die gemiddelde Brent-ruolieprys, wat weens die heropening van die Chinese ekonomie van $85,08 tot $86,16 per vat gestyg het, een van die oorsake van die opwaartse aanpassings.
Nog ’n bydraende faktor is veranderings in die internasionale pryse van geraffineerde petroleumprodukte, diesel, petrol en paraffien wat deur die styging in ruoliepryse veroorsaak is.
Verder het die rand-dollar-wisselkoers effens verstewig van R17,28 tot R17,00 per dollar.
Die volgende brandstofpryse sal vanaf 1 Februarie geld:
- Petrol van alle grade: 28c per liter duurder
- Diesel met 0,05%-swael: 9,16c per liter duurder
- Diesel met 0,005%-swael: 0,84c per liter goedkoper
- Paraffien: 58c per liter duurder
Die departement het ook aangekondig dat die brandstofheffing van môre af met 43,84c per liter van 61,38c tot 17,53c verminder sal word.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
