Die droogte in verskeie dele van die land kan lei tot ‘n daling van sowat 100 000 ton suiker in Tongaat Hulett se verwagte oes vir 2010/’11.
Die droogte in verskeie dele van die land kan lei tot ‘n daling van sowat 100 000 ton in Tongaat Hulett se verwagte oes vir die 2010/’11-seisoen.
Luidens ‘n berig op Engineering News het dié verwerker gewaarsku dat hy nie in dié oesjaar die 564 000 ton oes van die vorige jaar gaan ewenaar nie.
Mnr. Peter Staude, hoof uitvoerende beampte van Tongaat Hulett, sê dié ongunstige impak is probeer teenwerk deur die maatskappy se suikerriet-aanplantings in KwaZulu-Natal uit te brei. ‘n Addisionele 2 000 ha is reeds aangeplant, met ‘n verdere 6 000 ha wat na verwagting voor die einde van die jaar aangeplant sal wees.
In Oktober het die SA Rietkwerkersvereniging aangedui dat hy die laagste oes in 18 jaar verwag.
Bron: Engineering News
16 November 2010
