AFGRI
BEAN
02 Feb
-
9604
-189,00
CORN
02 Feb
-
4550,4
-19,60
SOYA
02 Feb
-
8815
-94,00
SUNS
02 Feb
-
11369,8
71,80
WEAT
02 Feb
-
6722
-47,00
WMAZ
02 Feb
-
4298,6
-13,40
YMAZ
02 Feb
-
4419
-26,00

Droogte-skok vir somergraan

Die droogte in die somersaaigebied neem nou ernstige afmetings aan!

Stewige en skielike stygings in die Suid-Afrikaanse mieliepryse illustreer hóé kritiek die droogte in die somersaaigebiede nou raak.

Oor groot dele, waar die seisoen enkele maande gelede op ’n hoë noot afgeskop het, is die bordjies letterlik binne twee weke verhang.

Op 4 Februarie was die naaste maand-kontrakprys vir wit mielies op Safex ’n volle 15% hoër as net ’n week gelede. Die kontrakprys vir witmielie-lewering in Julie het nie veel swakker gevaar nie: Dit was 13% hoër as ’n week gelede.

Die prys van geel mielies op die beurs se termynmark het in dieselfde tyd met tussen 10% en 7% gestyg.

’n Paar meestal ligte buie wat plek-plek oor Mpumalanga, Noordwes en die Wes-Vrystaat uitgesak het, was nie genoeg om in die gewasse se behoeftes te voorsien nie. En vooruitsigte tot ten minste Donderdag, 12 Februarie, lyk maar skraps en onvoldoende, sê mnr. Wessel Lemmer van Graan SA in sy gereelde markverslag. Veral boere in die westelike dele, waar die meeste wit mielies geproduseer word, is tot dusver nog deur die weervoorspelling teleurgestel.

Op 4 Februarie was daar geen reënvooruitsigte vir die sentrale produksiegebiede nie, terwyl voorspel is dat die aanliggende gebiede neerslae van net rondom 10 tot 15 mm kan verwag. Hoewel boere aan 'n midsomerdroogte gewoond is, is die verwagte reënval tot 12 Februarie nou onder die normaal vir dié tyd van die jaar, sê Lemmer.

Dit lyk darem asof meer wydverspreide reën dalk ná Donderdag (12 Februarie) kan begin val: Neerslae van tussen 20mm en 70mm saam met koeler temperature word voorspel.

Graan SA verwag nietemin dat die plaaslike mieliepryse kan aanhou styg. “Die mielieproduksiegebied is nou in ’n kritieke stadium waarin die oesgrootte ernstig beperk kan word deur ongunstige produksietoestande,” sê Lemmer.

Dr. Philip Theunissen, rekenmeester en boer van Bethlehem, sê toestande het binne twee weke drasties by hulle verander. “Goeie reën het net weggebly. Baie Oos-Vrystaatse boere se mielies is aan die vrek.” Hy het ook self gesien hoe mielies in die omgewing van Heilbron, Sasolburg en Potchefstroom erg swaarkry.

Die grootste skok was egter toe hy kliënte in die omgewing van Bothaville en Wesselsbron besoek het. Party boere daar vrees selfs dat goeie reën nou nie meer sal help nie. Sulke berigte word ook uit die omgewing van Villiers en Frankfort ontvang, sê Theunissen.

Boer vooruit met ’n Landbou.com-intekening
Teken in op Landbou.com teen R149 per maand en kry toegang tot gehalte-joernalistiek, alle landboutydskrifte, Landbouweekliks-episodes, boeke en baie meer.
Teken in
Smalls

Besoek ons nuwe webwerf vir geklassifiseerde advertensies en plaas jou advertensie in LBW én aanlyn. Vind ook vinnig en maklik die produk waarna jy soek!

Sien meer
Rand - Dollar
17.07
-0.2%
Rand - Pond
21.04
+0.3%
Rand - Euro
18.76
-0.1%
Rand - Aus dollar
12.15
+0.1%
Rand - Jen
0.13
-0.2%
Platinum
1,009.61
-0.2%
Palladium
1,654.31
-0.9%
Goud
1,952.80
+0.1%
Silwer
24.28
+1.3%
Brent-ruolie
82.84
-3.2%
Top-40
73,510
-0.3%
Alle aandele
79,667
-0.2%
Hulpbronne 10
74,721
-0.5%
Industriële 25
102,474
-0.0%
Finansiële 15
16,481
-0.5%
Alle JSE-data is met minstens 15 minute vertraag Iress logo
Besoek ons winkel!

Besoek die LBW-winkel en koop verskillende produkte soos boeke, tydskrifte, klere en meer.

Besoek LBW-winkel
Opsitkers
Geskei, soek vriende, wat van 'n roadtrip iemand.???
Wel ek is baie rustigge mens, ek rook nie, ek drink nie, ek is gelukkig om net by my huis te wees, braai en lekker kuier, bosveld is my ding. Roadtrip enige iemand. ??
Wie wil saam met my die mooiste liedjies skryf?
Spotane, vrolike geaardheid, sin Vir humor. baie positiewe persoon. Betroubaar en eerlik. Sien die mooi in die lewe raak. Gun die son oor almal skyn. Hou van dans.🌟...
Vind jou perfekte maat nou!
Ek is 'n:
Op soek na:
Ouderdomsgroep: tot