Dié reuse aksie is deur die Franse Landbou-unie (FNSEA), sy jeugtak en die sakekamer vir die landbou gereël om boere se ongelukkigheid oor verskeie kwessies baie duidelik aan die Franse regering en publiek te maak.
Luidens die Dailymail.co.uk was daar verskeie kwessies aangeraak, soos Russiese sanksies wat die ineenstorting van graan- en melkrpyse tot gevolg het, swak ekonomiese vooruitsigte en ’n swaar burokratiese las. Die gebruik van ingevoerde landbouprodukte in Frankryk was veral hoog op die boere se agenda.
In Toulouse, waar daar die naweek betogings voorgekom het, het boere die polisie met eiers bestook en in Marseille het boere appels gegooi, berig Boerdirij.nl. In Beauvais moes die polisie traangas gebruik om die betogers onder bedwang te hou. In Yvetot in Normandië het die kitskosgroep McDonalds deurgeloop omdat hy te veel ingevoerde vleis gebruik.
Die boere het ook nasionale paaie in Britagne en vanaf Strasbourg na Parys en Louxemburg geblokkeer met kruipstadige trekkers. In Parys het boere vrugte en groente uitgedeel, maar hulle het ook 50 ton aartappels in die strate gestrort. Vroeër vanjaar het Franse boere in Morlaix belastingkantore afgebrand in protes oor dalende groentepryse.
Kyk hier na dramatiese foto’s van die verskeie protesaksies.
Bronne:
