Trekkerverkope storm steeds voort met ’n toename van 44% van April verlede jaar tot April vanjaar, sê die SA Landboumasjinerie-assosiasie (SAAMA).
Trekkerverkope storm steeds voort met ’n toename van 44% van April verlede jaar tot April vanjaar, sê die SA Landboumasjinerie-assosiasie (SAAMA).
Vir die jaar tot dusver is 38% meer trekkers verkoop as in dieselfde tydperk verlede jaar. Dit is egter nie net trekkers wat goed verkoop nie, maar daar is in April vanjaar ook 22 meer stropers verkoop as in April verlede jaar.
Stroperverkope vir vanjaar is ook byna 32% hoër as vir dieselfde tydperk verlede jaar.
Volgens SAAMA het die onlangse lewering van regeringstenders die mark verstewig en bly die fundamentele aspekte in die mark gunstig.
Volgens huidige ramings in die bedryf, behoort verkope vir die 2012-kalenderjaar tussen sowat 6 700 en 7 300 eenhede wees.
8 Mei 2012
