Die ooreenkoms wat gesluit is tussen Georgië en die TLU SA om die ongunstige uitwerking van kommunisme op dié Europese land se landboubedryf te help herstel, is in praktyk besig om beslag te kry.
Luidens ‘n verklaring van die TLU SA strek Georgië se uitnodiging wyer as die landbou en moontlike beleggers in ander ekonomiese sektore kan ook tot die vernuwing van dié land se ekonomie. Mnr. Bennie van Zyl, voorsitter van die organisasie, is tans in Georgië vir drie maande terwyl ‘n studie rondom omstandighede in die land gedoen word.
Dr. Ben Stander en prof. Koos de la Rey sluit vandeesmaand by hom aan.
Vir diegene wat belangstel om landbougeleenthede in Georgië van nader te bestudeer word twee inligtingstoere vir die eerste deel van vanjaar aangebied. Die eerste strek vanaf 24 tot 29 Januarie en die tweede vanaf 7 tot 11 Februarie.
Die sluitingsdatum vir inskrywings vir die toere is 13 Januarie. Besoek die webwerf www.boers.ge vir meer inligting.
Navrae kan gerig word aan bennievz@gmail.com of +995 91 91 51 11.
3 Januarie 2011
