AFGRI
BEAN
03 Feb
-
9689,6
63,60
CORN
03 Feb
-
4495
-57,00
SOYA
03 Feb
-
8644
-3,00
SUNS
03 Feb
-
10118
-243,00
WEAT
03 Feb
-
6693
-35,00
WMAZ
03 Feb
-
4294,2
-34,80
YMAZ
03 Feb
-
4363
-34,00

Het SAB suur druiwe oor Heineken en Distell?

akkreditasie
0:00
play article
Intekenare kan na hierdie artikel luister
Heineken-bier word sedert 1873 gebrou en in 192 lande geniet. Die bierbrouer het wel reeds sy voete in die wynbedryf begin steek en van Distell se bekende wynhandelsmerke sal deel vorm van die voorgenome transaksie waarvolgens Distell deel kan word van Heineken. Foto: Verskaf
Heineken-bier word sedert 1873 gebrou en in 192 lande geniet. Die bierbrouer het wel reeds sy voete in die wynbedryf begin steek en van Distell se bekende wynhandelsmerke sal deel vorm van die voorgenome transaksie waarvolgens Distell deel kan word van Heineken. Foto: Verskaf
Die beoogde samesmelting tussen Distell en Heineken is opnuut onder die soeklig nadat die mededingingstribunaal verlede week met sy verhoor oor die voorgenome transaksie begin het.

Die transaksie se waarde gaan ongeveer R40 miljard beloop en die nuwe entiteit sal as Newco bekend staan.

Distell besit die gewilde siderhandelsmerke Savanna en Hunters. Die Heineken-groep brou Heineken, Amstel en Windhoek in Suid-Afrika en vervaardig en versprei ook Strongbow-sider in Afrika.

Die mededingingskommissie se voorstelle en besware oor sekere kwessies soos mededingendheid is verlede week bespreek. In sy ondersoek het die mededingingskommissie bevind die twee samesmeltende partye ding baie sterk met mekaar mee wat betref die sider-handelsmerke Strongbow en Hunters. Die kommissie het toe bevind die voorgenome transaksie sal daarom ’n beduidende impak op kompetisie in die mark vir siders en alkoholiese vrugtedrankies hê.

Heineken het ná die kommissie se besware oor die impak op mededingendheid in die sider-mark voorgestel hy is bereid om afstand te doen van die lisensie om Strongbow in Suid-Afrika te vervaardig en te versprei. Die kommissie het die voorstel aanvaar en aanbeveel die transaksie kan voortgaan mits ander voorwaardes, soos aandeelhouding, ook nagekom word. Strongbow sal onder meer verkoop moet word aan ’n maatskappy waarvan die meerderheid eienaarskap in swart besit is.

AB InBev, die grootste bierbrouer ter wêreld en eienaar van SAB, het egter beswaar gemaak teen die voorstel om Heineken se Strongbow te verkoop. SAB wil eerder hê Distell moet sy Hunters-handelsmerk verkoop. SAB sal ook nie omgee as Distell sy Savanna-handelsmerk verkoop nie, maar trek neus op vir Strongbow al het SAB aanvanklik belangstelling in Strongbow getoon.

Volgens Business Day het mnr. Richard Rivett Carnac, uitvoerende hoof van SAB, tydens die sitting gesê indien Heineken afstand doen van Strongbow, sal dit steeds nie sorg vir voldoende mededinging in die plaaslike sider-mark nie – en om dié rede moet Hunters óf Savanna eerder verkoop word.

Rivett Carnac het ook laat blyk SAB wil self die sider-mark betree.

Adv. Jerome Wilson wat Heineken en Distell verteenwoordig, het aan die tribunaal gesê die samesmelting is “baie voordelig vir mededinging”.

“Dit is onduidelik watter belang SAB het, buiten vir die voor die hand liggende dat dit die goedkeuring van die transaksie kan vertraag,” het Wilson gesê.

Volgens Wilson het die twee partye ook met die departement van handel, nywerheid en mededinging ooreengekom om beleggings ter waarde van R16 miljard oor ’n tydperk van vyf jaar in Suid-Afrika te maak. ’n Nuwe brouery is een van die beoogde beleggings.

Afleggings moontlik

Fin24 berig Heineken se verteenwoordiger, mnr. Joost Broekmaat, het aan die tribunaal gesê daar is ’n maksimum van 166 poste wat gaan oorvleuel as die samesmelting voortgaan. Dit kan in die slag bly. Dié getal is aangepas van die aanvanklike skatting van die 230 hoofsaaklike bestuursposte.

Die mededingingstribunaal het sy sitting vandeesweek voortgesit. Teen druktyd is die uitkoms nog nie bekend gemaak nie. 
Boer vooruit met ’n Landbou.com-intekening
Teken in op Landbou.com teen R149 per maand en kry toegang tot gehalte-joernalistiek, alle landboutydskrifte, Landbouweekliks-episodes, boeke en baie meer.
Teken in
Smalls

Besoek ons nuwe webwerf vir geklassifiseerde advertensies en plaas jou advertensie in LBW én aanlyn. Vind ook vinnig en maklik die produk waarna jy soek!

Sien meer
Rand - Dollar
17.14
-0.3%
Rand - Pond
20.97
-0.3%
Rand - Euro
18.71
-0.3%
Rand - Aus dollar
12.09
+0.0%
Rand - Jen
0.13
-0.3%
Platinum
1,025.99
+0.1%
Palladium
1,697.04
+1.6%
Goud
1,914.99
+0.1%
Silwer
23.50
+0.1%
Brent-ruolie
82.17
-0.8%
Top-40
73,799
+0.2%
Alle aandele
79,957
+0.2%
Hulpbronne 10
74,747
+0.1%
Industriële 25
102,952
+0.3%
Finansiële 15
16,593
+0.3%
Alle JSE-data is met minstens 15 minute vertraag Iress logo
Besoek ons winkel!

Besoek die LBW-winkel en koop verskillende produkte soos boeke, tydskrifte, klere en meer.

Besoek LBW-winkel
Opsitkers
Hardwerkende man wat hou van die natuur en besig wees.
Ek is n pappa van 4 kinders (2 seuns en 2 dogters). Hou baie van die buite lewe en geniet dit baie om te dans. n Aand uit is net so nodig soos n Sondag middag op die bank. Vat...
Kom ons sien wat gebeur
Wel eks nie iemand wat oordeel nie. Wees jouself. Ek luister graag. Eerlik en opreg en hou nie van jok nie. [removed]
Vind jou perfekte maat nou!
Ek is 'n:
Op soek na:
Ouderdomsgroep: tot