Die Met Office, Brittanje se meteorologiese kantoor, het die amptelike definisie van ’n hittegolf in agt Engelse distrikte opwaarts aangepas om aan te pas by aardverwarming.
In Surrey, Berkshire, Buckinghamshire, Bedfordshire, Hertfordshire en Cambridgeshire moet die temperatuur vir drie dae of meer 28 °C wees om amptelik ’n hittegolf te wees, teenoor 27 °C vantevore.
In Lincolnshire moet die temperatuur 27 °C bereik, teenoor 26 °C voorheen, en in East Riding, Yorkshire, is dit nou 26 °C pleks van 25 °C. Temperatuurstygings was die grootste in die ooste van die land, in sommige plekke meer as 1 °C.
