Hidroëlektriese laaiers kan ophou draai, die stede Las Vegas en Phoenix sal óf watergebruik óf uitbreidings moet beperk, en boere sal noodgedwonge die verbouing van sommige gewasse, soos blaarslaai en waatlemoene, moet stopsit.
Dít is van die gevolge indien deelstate, stadsrade en boere in die Amerikaanse Weste nie kan ooreenkom oor hoe om die hoeveelheid water wat hulle aan die Coloradorivier onttrek, te verminder nie.
Daar word al sewe jaar lank meer water aan die rivier onttrek as wat natuurlik aangevul kan word. Die deelstate het verlede maand ’n spertyd misgeloop om groot besnoeiings voor te stel. Die rivier steun $15 miljard (R255 miljard) per jaar se landbou-ondernemings.
