Altesame 41% van respondente het gesê die regering kan mense ondersteun deur voedselpakkies uit te deel. Dit is effens minder as die 56% van respondente toe die inperking begin het. Die helfte van mense het gesê die regering bring nie kospakkies na die weerloosste mense in hul gemeenskappe nie.
Vir twee derdes van diegene wat kospakkies ontvang het, was die pakkies voldoende. Die drie algemeenste produkte in die pakkies is mieliemeel, rys en kookolie. Twee uit elke drie mense het verwag dat hulle in die nabye toekoms nog voedselhulp sou ontvang.
Die voedselnood wat mense ervaar, het ’n nadelige uitwerking op hul gemoedstoestand. Ask Afrika het bevind dat honger volwassenes se kans om tekens van depressie te toon, dubbel so groot is as diegene wat voedselsekerheid geniet. Net minder as ’n derde van mense wat nie genoeg kos gehad het nie, is depressief en 26% het tekens van angstigheid getoon.
