Die plaas waar die laaste Hereford-kudde in Zimbabwe versorg is, is ingeval en oorgeneem. Luidens ’n inskrywing op JP Budler se Faceboo-k-blad het ’n senior amptenaar in die Mugabe-regering, Ray Ndhlukula, die plaas oorgeneem.
’n Zimbabwiese joernalis skryf daar was aanvanklik 56 Herefordkuddes in Zimbabwe, waarvan net dié een, die eiendom van mnr. Michael Conolly van Figtree, in Matabeleland-Suid, oorgebly het. Michael se broer, David, het die kudde op die buurplaas Centenary Farm gehuisves en versorg tot die inval deur Ndhlukula. Ndhlukula het min agting vir David en sy gesin, asook die 75 plaaswerkers en hul afhanklikes wat op die plaas woon.
Dié Hartnell Hereford-kudde is glo in die vroeë 1940’s op die plaas Centenary tot stand gebring.
Die Herefords gaan waarskynlik almal geslag word.
* Ndhlukula is glo die gasheer vir die SADC se konferensie wat die naweek by die Victoria Waterval plaasvind.
