Die Land Bank het R1,2 miljard op die Suid-Afrikaanse korporatiewe effektemark verseker.
“Dié geld sal gebruik word om lenings aan verskeie spelers in die landbou en landelike ontwikkelingsektore te bied,” het mnr. Musa Mchunu, woordvoerder van die Land Bank, gesê.
Dié verbande is oor ‘n drie jaar-tydperk aangegaan en daar was meer belangstelling as wat nodig was.
“Dit lyk of die instansie besig is om ‘n strategiese en volhoubare finansiële instansie te word,” sê Mchunu. “Dit is die sameloop van ‘n pynlike proses waarin die bank gepoog het om onstabiliteit en onsekerheid om te keer.”
Gesukkel om te presteer
Vir jare is dié semi-staatsinstelling deur wanprestasie geken. Sedert 2008 het die bank meer as 60 poste gevul en vir die tweede jaar in ‘n ry het die instansie ‘n ongekwalifiseerde ouditeursverslag gekry, sê Mchunu.
“Die belangrikste is dat kliënte en beleggers na die bank terugkeer. Die bank het nou die vermoë om finansiering met gemak van die geldmark te bekom, soos beleggers bereid is om lenings vir langer tydperke te leen.”
Om te keer dat die foute van die verlede nie herhaal word nie, word die Regering en die bank gedwing om gepaste kontrolestelsels in plek te kry soos die belegging in die bank toeneem, sê Mchunu.
25 Oktober 2010
