Een van Suid-Afrika se bekendste wynlandgoedere, Lanzerac, is deur die eienaar, mnr. Christo Wiese, aan ‘n buitelander verkoop.
Een van Suid-Afrika se bekendste wynlandgoedere buite Stellenbosch, Lanzerac, is deur mnr. Christo Wiese aan ‘n buitelander verkoop. Luidens ‘n berig op News24.com wou Wiese, voorsitter van Shoprite Holdings, nie die bedrag van dié transaksie bekend maak nie.
Wiese het die verkoop van die landgoed en die vyfster hotel op die landgoed Woensdag bevestig. Hy het dié landgoed glo verkoop omdat hy sy boederybedrywighede wil afskaal om op die kleinhandel en ander sakebelange te fokus.
Wiese besit ook Lourensford, ‘n spog-wynlandgoed buite Somerset West. “Dit is verkoop as ‘n lopende saak en die nuwe eienaar is gretig om met sake voort te gaan.” Al die werknemers sal hulle poste behou.
Bron: News24.com
8 Maart 2012
