Mnr. Gwede Mantashe, die ANC se sekretaris-generaal, het ’n boer bedank omdat hy tydens 'n besoek aan sy plaas sy kundigheid met hom gedeel het.
Jacob Rooi van Beeld berig Mantashe, sélf ’n boer, het vertel een van die dinge wat hy gereeld as sekretaris-generaal doen, is om plase te besoek. Toe hy op mnr. Andries (Tot) Pienaar se plaas kom, het Pienaar hulle breedvoerig oor boerdery ingelig en die geskiedenis van die meriontelery verduidelik. Hy het Mantashe ook raad gegee oor bemarkings-, finansiële en produkbestuur.
Mantashe het benadruk hoe belangrik kommunikasie tussen boere vir hom is. Hy het verlede week saam met mnr. Zenzeni Zokwana, Minister van Landbou, Bosbou en Visserye en ander rolspelers byeengekom om na leierboere te luister en ook die Regering se standpunt oor die landbou te stel.
Bron: Beeld.
