Van links is mnre. Vito Polera (Food Lover's Market), Conrad Fick (Tru-Cape), Andy du Plessis (FoodForward SA), Andrew Millson (Food Lover’s Market) en Roelf Pienaar (Tru-Cape). Foto: Verskaf
Food Lover’s Market en sy klante het weer vanjaar gehelp om honger hok te slaan deur meer as 2,5 miljoen maaltye vir die Hunger Month-veldtog in te samel.
Die veldtog is vanjaar die sesde keer aangebied. Dit word jaarliks in Mei aangebied om bewustheid oor honger in Suid-Afrika te bevorder en kostedoeltreffend gehaltevoedsel vir behoeftiges te verseker.
’n Tjek van R 1 710 338,04 is oorhandig aan mnr. Andy du Plessis, besturende direkteur van FoodForward SA, deur mnre. Andrew Millson, Food Lover’s Market se hoof van menslike hulpbronne en volhoubaarheid, en Roelf Pienaar, besturende direkteur van Tru-Cape.
Teen 68c per ete maak dié bedrag voorsiening vir 2 515 203 etes. Food Lover’s Market het 1 948 011 van hierdie etes geborg, terwyl 567 192 deur sy klante se landwye aankope gefinansier is.
