Mnr. Johannes Möller, die sittende voorsitter van Agri SA, 'n tafeldruiwe- en rosynboer van die Noord-Kaap, is onbestrede herkies as voorsitter van die landbou-unie Agri SA.
Mnr. Dan Kriek, voorsitter van Vrystaat Landbou en landbousakeman, is nuut verkies as adjunk-president in die plek van dr. Theo de Jager, avokadoboer van Tzaneen. De Jager bly egter in die bestuur omdat hy verkies is as voorsitter van die Algemene Sakekamer, wat die sambreelliggaam is van die verteenwoordigers uit die provinsiale landbou-unies.
Die tweede adjunk-voorsitter en katoenboer van die Makatini-vlakte, mnr. Pheneas Gumede, is onbestrede herkies.
Mnr. Louw Steytler, besproeiingsgraanboer van Luckhoff en voorsitter van Graan SA, is herkies tot voorsitter van die Bedryfskamer, wat die sambreelliggaam is van die produsente-organisasies. Mnr. Harry Prinsloo, wolboer uit die Suid-Vrystaat, is verkies as ondervoorsitter van die Bedryfskamer en Cornie Swart van die Paarl is verkies as ondervoorsitter van die Algemene Sakekamer.
