’n Versoek om die sanksies teen pres. Robert Mugabe van Zimbabwe se regering op te hef, is aan die “Weste” gerig.
Die Europese Unie (EU) het verlede maand aangedui dat die meeste van die sanksies opgehef sal word mits dié land ’n geloofwaardige nuwe grondwet opstel voor die beoogde Zimbabwe-verkiesing.
Mugabe self sal volgens ’n berig op News24.com steeds op die EU se swartlys bly. Mugabe sê die sanksies is ingestel om sy regering se grondgrypery stop te sit. “Ons het verseg om die verkryging van grond te staak. Die grond in Zimbabwe is ons s’n.”
Die sanksies is in 2002 ingestel te midde van ’n geweldadige grondgrypveldtog en ná ’n geweldadige verkiesing in Zimbabwe.
Nie geslaag
Mugabe het op ’n glansgeleentheid wat in Zambië aangebied is om hom te vereer, gesê die sanksies is ingestel om Zimbabwe te laat mislukl. Hy meen die sanksies kan nie geregverdig word nie en moet opgehef word.
Hy sê “die ekonomie asook die myne groei ondanks dié sanksies en inflasie het gedaal. Ons sal voortgaan om te baklei vir die opheffing van die sanksies. Zimbabwe is vir Zimbabwiërs en ons sal nie oorgee nie.”
Altesame 112 Zimbabwiërs se bates in Europa is al vir ’n dekade lank gevries en ’n reisverbod is ook teen hulle ingestel.
Bron: News24.com
