Die Kabinet het ‘n kuratorskap-proefprogram en geldelike ondersteuningsgeriewe vir opkomende boere goedgekeur.
Dié stap is om boere te help wie in finansiële knyp geraak het en nou vir beslaglegging deur die Land Bank opgeskroef word.
Altesaam 362 van die 1 250 plase wat landwyd vir doeleindes van grondhervorming oorgedra is, is onproduktief.
Mnr. Vusi Mona, ‘n Regeringswoordvoerder, het gesê dat die interministeriële komitee jaarliks verslag aan die Kabinet sal lewer oor die sukses en mislukkings van dié kuratorskap en geldmodelle.
Hy het aangedui dat indien hierdie twee modelle suksesvol is, sal die betrokke ministers, wat insluit me. Tina Joemat-Pettersson, Minister van Landbou, Visserye en Bosbou en mnr. Gugile Nkwinti, Minister van Landelike Ontwikkeling en Grondhervorming, die moontlikheid ondersoek om dit uit te brei na die res van die landbousektor.
Me. Priscilla Sehoole, ‘n woordvoerder van die Departement van Landbou, Visserye en Bosbou, wou nie verdere duidelikheid gee oor wat die kuratorskap behels of hoe die nuwe finansieringsmodelle gaan lyk nie.
Sy het aangedui dat Joemat-Pettersson aanstaande week inligting hieroor bekend sal maak.
25 November 2010
