In2Fruit sal ondersteuningsdienste aan Rainbow Produce bied en die maatskappy se mikpunt is ’n minimum van 50% swart aandeelhouding in die volgende drie jaar. Ralehoko het ’n meestersgraad in landbou-administrasie aan die Universiteit van Stellenbosch verwerf en is die maatskappy se eerste besturende direkteur asook ’n aandeelhouer.
“Rainbow Produce sal die volle infrastruktuur van In2Fruit tot sy beskikking om toe te sien dat uitvoere doeltreffend hanteer en bestuur word,” sê mnr. Sarel Joubert, In2Fruit se besturende direkteur. “Waar nodig het ons ook reeds mentorprogramme ingestel om met bestuurs- en tegniese advies te help.” Ralehoko sê Rainbow se toekoms-strategie is gebou op langtermyn volhoubaarheid vir sy produsente.
“Ons wil vertroue skep by SEB-produsente dat die maatskappy hul produkte suksesvol uit sal voer. Hierdie is ’n nuwe rigting ir die uitvoersektor. Ons is baie goed geplaas om omvattende diens te lewer, wat vir elke produsent ’n bemarkingsgeleentheid bied wat hom pas. Rainbow sal op die bemarkingsbehoeftes van SEB-produsente fokus en daardeur die natuurlike verlengstuk word van die produsent. Dit sal insluit die lewering, op tyd, van die regte produkte by voorkeur internasionale kliënte.”
Mnr. Alec Abrahams, ’n SEB-druiweprodusent van die Hexriviervallei, het die stigting van Rainbow Produce verwelkom. “Ons is baie opgewonde oor die geleenthede wat Rainbow Produce vir ons bied. Ons weet hoe belangrik dit is vir vennootskappe soos ons eie om ondersteuning en mentorskap te geniet van maatskappye soos Rainbow Produce en In2Fruit. Die feit dat ons nou reeds 8 jaar lank suksesvol met tafeldruiwe boer is juis te danke aan die mentorskap wat ons van ons mede Hexriviervallei se produsente ondervind.”
Onderskrif vir foto: Enoch Ralehoko, Managing Director, Rainbow Produce Company, links voor, Alec Abrahams, BEE tafeldruifboer van Siyazama Klipland in die Hexriviervallei, en Andre Jacobs van In2Fruit.
