Vir die boekjaar tot 30 April 2012 het die NWK-groep ? inkomste van R2 768,1 miljoen aangeteken, met ? nabelastingwins van R184,8 miljoen.
Die kontantvloei uit bedryfsaktiwiteite het met 32% toegeneem. Die aandeleprys het met 58% toegeneem en die verdienste per aandeel het met 79% gestyg.
Verskeie besigheidseenhede het in die jaar voordeel uit volumegroei getrek. Die graanvoorraad het teen die jaareinde tot baie lae vlakke gedaal en dit sal die resultate vir die komende jaar benadeel.
Wat die graansegment betref, het faktore, soos waardetoevoeging op graan in opberging, kreatiewe bemarking en winste op die termynmark, tot die goeie resultaat bygedra.
Sukses vir handelsegment
Die handelsegment is bevoordeel deur die goeie sentiment vanweë relatief hoë graanpryse en het uitsonderlik gepresteer. Verhoogde markaandeel en die herstrukturering van die meganisasie-afdeling het resultate bevoordeel. Kunsmisbemarking het wesentlik beter gevaar, maar kon weens strawwe mededinging nie sy winsteikens bereik nie, alhoewel markaandeel behou is.
Die vloeibare kunsmis-afdeling het deur goeie aankope en kostebestuur beter as die vorige jaar gepresteer. Noordwes Volkswagen het ook goed gevaar, maar dit is volgens die strategie van die groep, kort voor die jaareinde verkoop.
Finansiering is nadelig geraak deur lae rentekoerse. Produksiedebiteure is doeltreffend bestuur en dié segment se bydrae tot die groepswins was bevredigend. Die nywerheidsmaatskappye het wisselend gepresteer.
Hoë grondstofpryse kon in sekere gevalle nie ten volle verhaal word nie, wat marges onder druk geplaas het.
Die hoenderboerdery het goed gepresteer ondanks moeilike marktoestande.
Die direksie het ’n finale dividend van 33 sent per aandeel goedgekeur, wat om en by 27 Julie 2012 betaal sou word.
