Die konflik het ook ’n tsoenami van geo-politieke en ekonomiese gevolge vir die wêreld ontketen, met voedselsekerheid wat nou in sekere wêreldstreke bedreig word.
Die Oekraïense boere en inwoners het van die aakligste ervarings denkbaar beleef sedert Rusland hul land ’n jaar gelede binnegeval het. Terwyl Rusland se regstreekse en onregstreekse vyandelikhede onverpoos voortduur, bly die meeste van Oekraïne se boere vasbeslote en optimisties dat hulle hulself en hul land sal kan herstel en herbou.
Die Oekraïense landbouraad (UAC) en die Save Ukrainian Agriculture (Save UA), ’n geldinsamelings-en-bewusmakingsorganisasie, gee gereeld inligting oor hoe die land se boerderywaardeketting vaar onder die onophoudelike Russiese aanslag.
