AFGRI
BEAN
06 Feb
-
9862,8
194,80
CORN
06 Feb
-
4613
113,00
SOYA
06 Feb
-
9410
130,00
SUNS
06 Feb
-
11080
-15,00
WEAT
06 Feb
-
6761
60,00
WMAZ
06 Feb
-
4368
68,00
YMAZ
06 Feb
-
4444
54,00
AMT
Ave Wool - Non RWS
27 Jan
-
173,81
-3,89
Ave Wool - RWS
27 Jan
-
189,08
-2,38
Beeste A2/3
27 Jan
-
56,35
-0,03
Beeste AB2/3
27 Jan
-
54,84
0,37
Beeste B2/3
27 Jan
-
52,6
0,97
Beeste C2/3
27 Jan
-
51,89
2,33
Bevrore Hoender
27 Jan
-
34,13
0,07
Bokkies (onder 30 kg)
27 Jan
-
64,42
3,65
Bokooie
27 Jan
-
42,56
5,65
Groot (meer as 40 kg)
27 Jan
-
44,53
13,49
Hoender (IQF)
27 Jan
-
32,16
0,07
Medium (30-40kg)
27 Jan
-
55,48
8,33
Pork Average
27 Jan
-
36,34
0,63
Poultry Average
27 Jan
-
33,37
0,02
Skaap A2/3
27 Jan
-
84,06
-1,32
Skaap AB2/3
27 Jan
-
83,25
7,84
Skaap B2/3
27 Jan
-
69,31
3,51
Skaap C2/3
27 Jan
-
64,52
-3,23
Speenkalf
27 Jan
-
36,72
1,00
Spekvarke
27 Jan
-
36,59
-0,22
Stoorlammers
27 Jan
-
38,46
-0,54
Varkwors
27 Jan
-
29,16
0,28
Vars Hoender
27 Jan
-
33,83
-0,09
Vleisvarke
27 Jan
-
36,3
0,71

Onluste by Patensie laat boere én gemeenskap verloor

akkreditasie
0:00
play article
Intekenare kan na hierdie artikel luister
Brande word gebrand by Patensie. Foto: Verskaf
Brande word gebrand by Patensie. Foto: Verskaf
Die gemeenskap van Patensie bid soggens en gaan saans weer op hul knieë in die hoop dat die “oorlog” in hul omgewing binnekort tot ’n einde kom.

Só vertel mnr. Skip van Jaarsveld, ’n sitrusboer in Kwaggaskloof buite die Oos-Kaapse dorp Patensie in die Gamtoosvallei.

Op die vyfde dag van geweldpleging tussen plaaslike werkers en trekarbeiders word die oestyd van boere só erg beïnvloed dat derduisende kratte vol vrugte in pakhuise lê en nie uitgevoer kan word nie.

Tussen die boer by Patensie en sy klante anderkant Hankey lê 10 km teerpad waarvan dele gebrand en met klippe, stene en stokke toegepak is om te verhinder dat vragmotors en werkers tussen die dorpe kan beweeg in die spitstyd van die sitrusoesseisoen.

“Ek het net een paklyn wat nou loop, terwyl ek verlede week twee gehad het. Meer as 80 van my werkers wat in Hankey bly, kan nie by ons uitkom om te werk nie,” vertel Van Jaarsveld.

“’Ek moes al van die kantoorpersoneel na die pakhuise stuur om te help vrugte pak. Ja, dit is net ’n paar dae wat ontwrig word, maar ons praat van groot geld wat verlore gaan en wat die gemeenskap ook verloor.”

Na verneem word, het die onluste Saterdagaand uitgebreek toe plaaslike werkers “oorlog verklaar” het teen trekarbeiders – die meeste is vanaf Lesotho en Zimbabwe – en eis dat hulle die gebied verlaat.

Die trekarbeiders word van twee moorde verdink nadat ’n 45-jarige man vroeg Sondagoggend in ’n straat aan veelvuldige steekwonde beswyk het. Kort daarna is ’n 65-jarige man – ook met steekwonde – ’n paar strate verder aangetref.

Kol. Priscilla Naido, polisiewoordvoerder, het aan Landbouweekblad gesê hoewel niemand al vir die moorde in hegtenis geneem is nie, beskuldig plaaslike inwoners die buitelanders van die twee moorde.

Maandagaand het sowat 300 inwoners na die buitelanders se huise opgeruk om hulle en hul gesinne aan te val. Die buitelanders het terugbaklei en die inwoners met klippe bestook.

’n Dag later is ’n 28-jarige burger van Lesotho dood aangetref.

Dit was toe dat inwoners die hoofroete tussen Hankey en Patensie versper het om te verhinder dat trekarbeiders op Hankey na Patensie kan gaan om te werk.

“Dit is nie ’n lekker ding hierdie nie. Ons as boere voel magteloos,” sê Van Jaarsveld.

Patensie
Brande word gebrand op een van die paaie by Patensie. Foto: Verskaf

“Gister het een van die werkers na my gekom – sy was in trane en haar hande het gebewe. Sy was bang dat die onluste na Patensie sou oorspoel en haar familie ook in gevaar gaan wees.”

Volgens mnr. Phillip Dempsey, direkteur van die Suider-Afrikaanse Sitruswerkersvereniging, het verskeie trekarbeiders reeds in busse teruggekeer na Lesotho.

Kritieke tyd

“Dit is ’n groot verlies vir die boere, omdat dit ’n kritieke tyd vir hul boerdery is. Die werkers kom jaarliks hierheen om vrugte te pluk. Van hierdie families – wat wettige seisoenale plukkers is – moes nou na ’n gebied buite Hankey vlug waar daar geen water, kos of behuising is nie.”

Dempsey sê pakhuise was die afgelope paar dae net 50% produktief en die omvang van die finansiële impak wat die onluste op die boerderye het, sal eers later bepaal kan word.

“Die meeste boere het besluit om die vrugte vir nou eerder aan die bome te hou as om dit te pluk en in kratte te laat lê.”

Hy vertel die boere vrees die situasie ruk so handuit dat trekarbeiders en hul gesinne te bang sal wees om in die volgende seisoen terug te keer. Jaarliks is die werk gedurende die oesseisoen te veel vir plaaslike hande.

Intussen probeer boere ’n alternatiewe roete gebruik om hul produkte uit te voer – maar dit is ’n grondpad wat boere sukkel om in stand te hou.

“Ek het vrugte in kartonhouers wat ek met die grondpad by Durban gaan probeer uitkry. Daardie pad is baie sleg. Kan jy dink hoe die vrugte gaan lyk as dit ooit daar gaan uitkom?” sê Van Jaarsveld.

“Maar ons bid. En ons wil glo hierdie ding sal vinnig tot ’n einde kom en dat die skade vir die boer nie erger sal word nie.”

Teen Vrydagoggend het Naido gesê die polisie is op die toneel in Hankey om die situasie te monitor. Hoewel niemand al vir een van die moorde aangekeer is nie, is iemand wel in hegtenis geneem vir openbare geweldpleging en die beskadiging van ’n openbare pad.

“Die situasie is onder beheer, maar dit is onbestendig.”

Boer vooruit met ’n Landbou.com-intekening
Teken in op Landbou.com teen R149 per maand en kry toegang tot gehalte-joernalistiek, alle landboutydskrifte, Landbouweekliks-episodes, boeke en baie meer.
Teken in
Smalls

Besoek ons nuwe webwerf vir geklassifiseerde advertensies en plaas jou advertensie in LBW én aanlyn. Vind ook vinnig en maklik die produk waarna jy soek!

Sien meer
Rand - Dollar
17.65
-1.0%
Rand - Pond
21.23
-0.9%
Rand - Euro
18.94
-0.1%
Rand - Aus dollar
12.15
-0.5%
Rand - Jen
0.13
+0.1%
Platinum
970.22
-0.4%
Palladium
1,602.19
-1.8%
Goud
1,866.74
-0.2%
Silwer
22.24
-0.5%
Brent-ruolie
79.94
-2.8%
Top-40
73,489
-0.8%
Alle aandele
79,583
-0.8%
Hulpbronne 10
74,088
-1.5%
Industriële 25
103,121
-0.3%
Finansiële 15
16,377
-1.1%
Alle JSE-data is met minstens 15 minute vertraag Iress logo
Besoek ons winkel!

Besoek die LBW-winkel en koop verskillende produkte soos boeke, tydskrifte, klere en meer.

Besoek LBW-winkel
Opsitkers
Wil saam stap swem klim toer. Ek lewe onder die sterre, kamp voltyds, gereed om die pad te vat..
Eks positive intresant. goeie geselskap. hou van reen en sonskyn. werk hard . speel lekker. slaap in. kamp altyd. vuur en dans. net fun.
Aktiewe leefstyl en rustige persoonlikheid
Posiewe en vriendelike persoonlikheid Geniet mense en is baie sosiaal Diere liefhebber Aktiewe leefstyl, gym tenminste 4 tot 5 keer n week Baie gelukkig in my werk Geniet die...
Vind jou perfekte maat nou!
Ek is 'n:
Op soek na:
Ouderdomsgroep: tot