Die Sugar Industry Fund for Education (SITFE) is ’n inisiatief wat deur die Suid-Afrikaanse Suikervereniging (SASV) gevestig is om die jeug te bematig deur middel van verskillende beurs- en opleidingsprogramme. Die fonds bestaan reeds 55 jaar en is gestig omdat die suikerbedryf studente die geleentheid te gee tot verdere onderwys en opleiding.
Tydens die covid-19-inperking het SITFE sy klem verskuif om studente te ondersteun wat nie hulpmiddele soos data, boeke en skootrekenaars kon bekostig nie. Sedert die 2015-’16-boekjaar het SITFE meer gekonsentreer op die kinders van plaaswerkers.
Mnr. Trix Trikam, uitvoerende direkteur van die SASV, sê daar is groot belangstelling van plaaswerkers se kinders omdat hulle sukkel met finansiering vir onderwys en opleiding. Hulle het ook versoeke vir bystand gehad van individue wat die maatskaplike toelae van R350 ontvang.
Trikam het onlangs tydens ’n besprekingsessie met die media gesê beurse word toegeken aan matrikulante en studente vanuit suikerrietverbouingstreke in KwaZulu-Natal en Mpumalanga. Die beurse is vir studie in die landbou, ingenieurswese en wetenskap. Kinders van plaaswerkers kan egter in enige rigting studeer.
SITFE finansier gemiddeld 41 studente per jaar teen ongeveer R150 000 per student. Die beurse betaal klasgeld, asook boeke, etes en verblyf vir die duur van studente se voorgraadse kursus. Ongeveer 10 200 beurse is aan studente toegeken vanaf SITFE se 55 jaar se bestaan.
Een van die probleme wat SITFE in die verlede ondervind het, was dat van hul studente ook deur die Nasionale Studentefinansieringskema (NSFAS) gefinansier is. SITFE het sedertdien sy strategie aangepas.
Leerders wat die beurs- en opleidingsprogramme voltooi het, word in die bedryf opgeneem en daar is redelike sukses en vordering. SITFE sê hy wil graag meer doen, aangesien die vraag na geleenthede bestaan en daarom konsentreer hy op die uitvoering van sy programme om individue te laat vorder.
Aansoeke vir beurse openlik jaarliks in Augustus. Belangstellendes kan vorms by bursaries@sasa.org.za aanvra of dit vanaf SITFE se webwerf by https://www.sitfe.co.za/ aflaai.
