Die petrolprys sal Woensdag (5 Januarie) tot sy hoogste vlak in meer as twee jaar styg.
Die petrolprys sal Woensdag (5 Januarie) met 29c per liter vir 93 oktaan en 28c per liter vir 95 oktaan petrol styg, luidens die Departement van Energie.
Dit bring pryse onderskeidelik tot R8,58 per liter en R8.73 liter in Gauteng – die hoogste in meer as twee jaar. Die prys van diesel neem toe met 23c per liter.
Paraffien sal met tussen 21c en 29c duurder wees terwyl die prys van LP gas met 46c per liter duurder sal wees, luidens 'n berig op Fin24.com. Die stygings word toegeskryf aan verhoging van internasionale brandstofpryse, ondanks die sterk rand.
Die olieprys het verlede week die jaar 12% hoër afgesluit – die tweede hoogste vlak op rekord.
3 Januarie 2011
