Die Russiese regering het ’n jaarlange verbod geplaas op die invoer van landbouprodukte van lande wat sanksies ingestel het weens Moskou se aktiwiteite in die Oekra?ne.
Amerika, die Europese Unie, Kanada, Australië en Noorweë word onder meer geraak. Volgens Dmitry Medvedev, die Russiese premier, sal die regering die saak heroorweeg as hierdie lande ’n “postiewe houding oor kwessies van samewerking” inslaan. Nog ’n kollega meen dat minder ingevoerde goedere nasionale voedselsekerheid sal verhoog, want die persentasie ingevoerde goedere op Russiese winkelrakke beloop al sowat 45%.
Die verbod is egter nie op babakos van toepassing nie. Volgens Medvedev sal die invoerverbod plaaslike landbouproduksie aanmoedig, maar ontleders sê 20% van Rusland se voedselverbruik word ingevoer, en verbruikers sal tekorte ondervind.
Die lys van landbouprodukte waarop ’n invoerverbod bestaan:
Amerika: vleis en pluimvee.
Kanada: Produkte van dierlike en plantaardige oorsprong, kitskos en-drankies, vette en olies van dierlike en plantaardige oorsprong.
Australië: Bevrore en verkoelde beesvleis.
Japan: Bevrore vis en seekos, melkpoeier, alkoholiese en nie-alkoholiese drankies, souse, speserye en sop.
Switerserland: Graankos en melkprodukte.
Oekra?ne: Kakaobone, kaas en ander suiwelprodukte.
Oostenryk: Drankies en tabak.
België: Vleis, vis, vrugte en groente, gebakte voedselsoorte en vette.
Bulgarye: Wyn van druiwe afkomstig, vrugte en neute.
Siprus: Sitrusvrugte, vars en bevrore vis.
Die Tsjeggiese Republiek: Vrugte en groente, drankies, vette, olies en was van dierlike en plantaardige oorsprong.
Denemarke: Suiwelprodukte, eiers afkomstig van pluimvee, heuning, vleis en eetbare neweprodukte, vis, skulpvis en mossels.
Finland: Suiwel- en vleisprodukte, koffie, tee, brood- en voergewasse, visprodukte sowel as groente en vrugte.
Frankryk: Produkte van dierlike oorsprong.
Italië: Wyn van druiwe afkomstig, vrugte en pasta.
Litaue: Kaas, maaskaas, vleis, dierekos, drinkgoed, aartappels, blikkies boontjies, vis en lewende hawe (varke).
Nederland: Suiwelprodukte, eiers, meel- en graanprodukte en lewende hawe.
Slowakye: Beeste (lewende hawe) en kosprodukte.
Spanje: Bevrore vleis en neweprodukte, vrugte, rou en semi-voorbereide voedsel, sitrusvrugte, olywe en olyfolie.
Brittanje: Alkoholiese drankies, bevrore vis, kaas en koffie.
