AFGRI
BEAN
03 Feb
-
9600
0,00
CORN
03 Feb
-
4533,2
-66,80
SOYA
03 Feb
-
8645
-2,00
SUNS
03 Feb
-
11515
154,00
WEAT
03 Feb
-
6700,4
-27,60
WMAZ
03 Feb
-
4245,4
-41,60
YMAZ
03 Feb
-
4384
-37,00

SA soek nuwe planne teen wegholbrande

akkreditasie
0:00
play article
Intekenare kan na hierdie artikel luister
Foto: Vrystaat Landbou
Foto: Vrystaat Landbou
Te midde van ál groter en erger brande wat gereelder voorkom, is beter navorsing én samewerking nodig om dié risiko’s vorentoe te bestuur.

’n Algemene, landwye benadering tot brandbestuur gaan nie die pyp rook ten aansien van die verhoogde risiko van wegholveldbrande wat klimaatsverandering meebring nie.

Dít was die gevolgtrekking van etlike omgewingswetenskaplikes op ’n webinaar oor brandbestryding wat deur die Working on Fire-program aangebied is. Working on Fire is ’n staatsgefinansierde brandbestrydingsorganisasie wat tans sowat 5 000 brandbestryders op meer as 200 basisse reg oor Suid-Afrika ontplooi het.

Prof. Sally Archibald, ekoloog verbonde aan die Universiteit van die Witwatersrand se skool vir diere-, plant- en omgewingswetenskappe, het gesê beleid wat beheerde brande en ander aspekte van brandbestuur reg oor die land reguleer, behoort verfyn te word om diegene wat beheerde brande toepas, soos boere en natuurbewaarders, in ag te neem.

Dié doelwitte kan verskeie gestaltes aanneem, onder meer die verjonging van natuurlike weiding, die stopsit van bosindringing, die bestuur van die bewegings van plantvretende wild, en selfs spesifieke maatreëls om rampspoedige wegholbrande te voorkom of te stuit.

Navorsing nodig

Dr. Glynis Humphrey, ’n navorser verbonde aan die Universiteit van Kaapstad se eenheid vir plantbewaring, het met Archibald saamgestem en bygevoeg dat brandbestuurbeleid in ag moet neem dat mense “in verskillende seisoene om verskillende redes” brand begin.

“Baie navorsing is nog nodig om die dinamika van klimaat, plantegroei, mense en brande te verstaan sodat alle belanghebbendes kan saamwerk om brandveerkragtige gemeenskappe te skep. Voorligting is dan nodig om mense te leer hoe om vuur verstandig te gebruik en terselfdertyd hulself teen rampspoedige brande te beskerm.”

Die sprekers op die webinaar was dit eens dat skakeling met belanghebbendes en gemeenskappe op grondvlak noodsaaklik is in die opstel van haalbare en doeltreffende brandbestuurs-en-brandbeskermingsbeleid vorentoe.

Waarskuwing

Verwoestende welholbrande die afgelope paar jaar reg oor Suid-Afrika dui daarop dat die land nie immuun is teen soortgelyke brande wat toenemend elders ter wêreld voorkom weens klimaatsverandering nie.

Mnr. Trevor Abrahams, besturende direkteur van Working on Fire, het gesê die wêreld het in die afgelope tien agt van die ergste rampbrande in die geskiedenis van die mensdom ervaar. Die erns, aantal en omvang van rampbrande in Suid-Afrika toon ’n soortgelyke neiging met die bykomende kommer dat sulke brande toenemend die “landelike-stedelike koppelvlak” bedreig.

Sprekers op die webinaar het beklemtoon dat multidissiplinêre, gesamentlike navorsing deur plaaslike en internasionale kundiges nodig is oor hoe die klimaat, die omgewing, die samelewing en brandbestuur meewerk om brandrisiko’s te verhoog, ten einde die maatskaplike, ekonomiese en omgewingsbedreigings van sulke brande in die toekoms te versag.

Beter voorspellings

Dr. Sheldon Strydom, klimatoloog en senior lektor aan die Noordwes-Universiteit se skool vir geo- en ruimtelike wetenskap, het gesê een aspek wat tans ondersoek word, is om te bepaal hoe patrone van lugtemperatuur, atmosferiese druk, windspoed en reënval op kort- en langtermyn moontlik besig is om in verskillende dele van Suid-Afrika te verander. Veranderinge in dié faktore kan individueel en gesamentlik die risiko van rampbrande in dele van die land verhoog, en in ander dele verlaag.

“Namate ons meer leer, is ons in staat om akkurater, tydiger en meer gelokaliseerde brandgevaarindekse vir spesifieke gebiede te genereer. Dit kan toepaslike beplanning en reaksies deur brandbeskermingsverenigings en inwoners in daardie gebiede verbeter. “Brande is ’n natuurlike verskynsel in Suid-Afrika en vorm ’n aktiewe deel van baie natuurlike ekostelsels, maar verhoogde brandaktiwiteit kan hierdie ekostelsels en die ekonomie nadelig raak.”

Boer vooruit met ’n Landbou.com-intekening
Teken in op Landbou.com teen R149 per maand en kry toegang tot gehalte-joernalistiek, alle landboutydskrifte, Landbouweekliks-episodes, boeke en baie meer.
Teken in
Smalls

Besoek ons nuwe webwerf vir geklassifiseerde advertensies en plaas jou advertensie in LBW én aanlyn. Vind ook vinnig en maklik die produk waarna jy soek!

Sien meer
Rand - Dollar
17.12
-0.2%
Rand - Pond
20.88
+0.1%
Rand - Euro
18.64
+0.1%
Rand - Aus dollar
12.08
+0.1%
Rand - Jen
0.13
-0.2%
Platinum
1,026.74
+1.5%
Palladium
1,671.57
+0.1%
Goud
1,911.27
-0.1%
Silwer
23.40
-0.3%
Brent-ruolie
82.17
-0.8%
Top-40
73,329
-0.4%
Alle aandele
79,475
-0.4%
Hulpbronne 10
73,697
-1.3%
Industriële 25
102,699
+0.1%
Finansiële 15
16,471
-0.5%
Alle JSE-data is met minstens 15 minute vertraag Iress logo
Besoek ons winkel!

Besoek die LBW-winkel en koop verskillende produkte soos boeke, tydskrifte, klere en meer.

Besoek LBW-winkel
Opsitkers
Soek n maat
Dis nie maklik om oor jou self teskryf nie , maar hier gaan ons ! Ek is opreg en kan vertrou word , hou glad nie van om eimand seer temaak of mislei nie , ek is ook ma net n...
Ek glo ek is n prag mens van binne en buite
Ek is n mens ,mens en al my vriende dink ek is n prag mens, baie lief vir mense. Ek love diep see visvang, kamp, vakansie by die see, Partykeer in Hotelle en saam met my familie...
Vind jou perfekte maat nou!
Ek is 'n:
Op soek na:
Ouderdomsgroep: tot