Na verneem word, was hy nog op Saterdag 3 September by die slaghuis, maar sy toestand het skielik versleg en hy is Sondag oorlede. Huldeblyke het spoedig begin instroom en die boodskap was strykdeur dat sy dood ’n groot leemte in sy familie, personeel en gemeenskap se harte los, en dat almal sy vriendelike groet voor in die winkel sal mis.
Die familiebesigheid is in 1960 deur sy pa, Gert, begin. Fred het dit in 1969 oorgeneem en gaandeweg uitgebrei tot een van die grootste slaghuise in Suid-Afrika. In 1997 het hy die perseel tot ’n volwaardige koopkompleks uitgebrei met Uitkyk Vleismark as die kernbesigheid. Hy het ook ’n supermark, delikatessen, bakkery en vrugte-en-groente-afdeling bygevoeg. Die besigheid verskaf werk aan 365 mense.
Uitkyk Vleismark was in 1996 ’n finalis vir die Old Mutual-besigheid van die jaar, het elf keer ’n Cleaver-toekenning ontvang en was in 2008 en 2009 ’n Porkalcious-wenner.
Fred het ook ’n bees- en wildplaas by Mookgophong gehad.
Hy laat sy vrou, Marie, en twee kinders, Anita en Gert, vyf kleinkinders en een agterkleinkind agter.
Die gedenkdiens is op Sondag 11 September in die NG kerk Skuilkrans.Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
