British American Tobacco SA (Batsa) is die grootste koper van plaaslik geproduseerde tabak. Hy koop sowat 90% van Suid-Afrika se produksie elke jaar, maar deesdae is net 19% van die totale sigarette wat in 2022 in Suid-Afrika gerook en verklaar is, deur Batsa vervaardig.
Batsa het op ’n onlangse mediageleentheid by sy vervaardigingsaanleg daarop gewys dat Suid-Afrika se nege ander sigaretvervaardigers in 2022 altesaam 2,1 miljard sigarette in verkope in lande binne die Suider-Afrikaanse Doeane-unie (Sadu) verklaar het.
Daar is dus nog 5% van die totale sigarette wat in Suid-Afrika gerook is deur die nege plaaslike vervaardigers verklaar – hoewel dit vir Sadu-lande vervaardig is. Die som klop egter nie.
