Studente by die Landboukollege Grootfontein is só ontevrede met diensverskaffing en konflik tussen vakbonde by die kollege dat hulle ’n nagemaakte varkhok by die kampus se ingang opgerig het om protes aan te teken. Studente is ook ontevrede oor die miskenning van hul taalregte.
In foto’s van die gerieweby Grootfontein kom dit voor of instandhouding nie na wense geskied by die kollege en sy opleidingsplase nie.
Konflik tussen die vakbonde Nehawu en die Public Servants Association (PSA) op die kampus het verlede jaar bygedra tot die skorsing van dr. Johan van Rooyen, ’n spesialisveearts en dosent by Grootfontein. Volgens die studente het die inmenging van vakbonde 'n nadelige invloed op die onderrig wat hulle ontvang.
Luister
Afriforum Jeug is betrokke by ’n poging om die bestuur van Grootfontein, onder leiding van direkteur Tino Herselman, te kry om gehoor te gee aan studente se griewe.
Mnr. Doug Stern, voorsitter van Agri Oos-Kaap, het reeds die probleme by Grootfontein onder die aandag van mnr. Omri van Zyl, uitvoerende direkteur van Agri SA, gebring.
Kyk hier na ’n video waarin die probleme by Grootfontein deur studente en ander belanghebbendes bespreek word.
