Die oproervlae wat tans oor grondsake in Suid-Afrika wapper het die idee van ’n Agridesa by Clem Sunter, ’n toekomskundige, laat posvat.
Luidens sy rubriek op News24.com sê Sunter een van die grooste oproervlae wat Suid-Afrika in ’n vervalle staat, soos Afganistan en Somalië, kan omskep, is grondgrypery.
Ná dr. Pieter Mulder, Adjunkminister van Landbou, Bosbou en Visserye, se veelbesproke toespraak oor grondhervorming en die geskiedenis daarvan, sê Sunter dit is duidelik dat grond ’n baie emosionele kwessie in die land is. “Geen kwessie verdeel landsburgers dieper nie.”
Toekoms
Sunter meen wel dat Suid-Afrika se toekoms belangriker is as sy geskiedenis, derhalwe meen hy ’n Agridesa, soos die 1990’s se Kodesa 1 en 2 is “nóú” nodig.
Hy sê alle belanghebbendes in die landbou, die Regering, die Land Bank, vakbondbeamptes, landelike gemeenskapsverteenwoordigers, opkomende boere en enigiemand anders wat by die kwessie betrek kan word, moet saam om ’n tafel gaan sit om die toekoms te bespreek.
Hy stel ’n 10-puntagenda vir die vergadering voor. Verder meen hy die deelnemers moet op ’n gelyke oplossing besluit, wat nie sommiges as wenners en ander as verloorders laat nie.
Lees meer hier.
Bron: News24.com
1 Maart 2012
