Die invoer van Swakara van Namibië is tydelik gestaak weens probleme tussen die onderskeie rolspelers in dié bedryf, sê Agra.
Luidens ‘n berig op Allafrica.com het probleme tussen Suid-Afrika se Stucken Groep en Agra se agent in Port Elizabeth ontstaan.
Mnr. Albe Snyman, woordvoerder vir Agra, sê hulle onderhandel tans met die agent en het Namibiese boere verseker dat die probleem spoedig aangespreek en opgelos sal word, waarna handel sal voortgaan.
Meeste wol na SA uitgevoer
Donker gekleurde Swakara, wat 95% van Agra se totale Namibiese aanbod uitmaak, word na Suid-Afrika uitgevoer, terwyl ligter wol in Windhoek verkoop word.
Namibië het sowat 600 Swakaraprodusente. Die bedryf se jaarlikse inkomste beloop tussen €4,5 miljoen en €5,5 miljoen, en dit verskaf sowat 20 000 werksgeleenthede.
23 September 2010
