Hy het sy intrek omstreeks 1952 op Vaalharts geneem en het onder die pioniers getel wat die besproeiingskema getem het. In sy jonger dae het hy aktief aan die georganiseerde landbou deelgeneem en in komitees van die plaaslike boerevereniging gedien.
Vermeulen wat sowat tien jaar gelede afgetree het. Sy vrou, Elsa, is in 2022 oorlede en sy seun, Jaco, het in 2021 aan covid-19-verwante oorsake gesterf. Hy laat drie dogters, Juanita, Elzaan en Vicky, ses kleinkinders en vier agterkleinkinders agter.
Volgens ’n vriend en medebaanbreker van Vaalharts, mnr. Peet Duvenhage (85), was Vermeulen een van die eerste boere wat ná die Tweede Wêreldoorlog op Vaalharts begin boer het. Duvenhage woon nog op dieselfde plaas waar hy sy intrek in 1949 geneem het. “Daar was toe net ’n huis, toilet en skuur op die plase wat deur die boere gekoop is.” Hy het nog Sondag by Vermeulen in die tehuis gaan kuier. Maandagoggend het Vermeulen vermoedelik ’n hartaanval gekry en gesterf.
Vermeulen se roudiens is op Saterdag 4 Februarie om 10:00 in die NG kerk Hartswater.Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
