Winsmarges van produsente van braaihoenders is steeds onder druk, ondanks hoër invoertariewe en tariewe teen storting.
Mnr. Kevin Lovell, hoof uitvoerende beampte van die SA Pluimveevereniging (SAPV), sê méér goedkoop ingevoerde been-in-stukke is tot dusver vanjaar ingevoer.
Invoerders het dalk in die eerste deel van vanjaar méér ingevoer om voorraad op te bou terwyl hulle vir die besluit oor maatreëls teenstorting gewag het.
Die meeste Suid-Afrikaanse produsente se winsmarges het volgens hom dieselfde gebly of net effens gestyg. “Die koste van elektrisiteit, brandstof en arbeid het met meer as inflasie gestyg en dit raak alle produsente min of meer dieselfde.
“Die meeste maatskappye maak tot ’n mate wins uit hul voerverkope, afhangend van hul strategie vir die koop van voerbestanddele en hoe hulle die mark ‘speel’.”
Lovell sê in die stram ekonomiese omstandighede sal pryse vir hoendervleis waarskynlik moeilik styg, maar vir produsente is die ligpunt dat voerkoste hopelik sal daal.
Die bedryf wag intussen steeds dat die Regering konsepregulasies oor die toevoeging van pekelwater gepubliseer.
