Ná die sterk vertoning die afgelope paar weke het die wolmark verlede week teruggesak.
Ná die sterk vertoning die afgelope paar weke het die wolmark verlede week teruggesak. Cape Wools se Merino-aanwyser het met 1% tot R85,36/kg (skoonwol) gedaal.
Die belangrikste rede is die rand wat met 1,5% teenoor die Amerikaanse dollar verbeter het. Die prys is steeds sowat 48% hoër as op die openingsveiling van die seisoen.
Die gemiddelde pryse van lang kamwoltipes (MF5) met minder as 1% saadinhoud het uiteenlopend gepresteer: 19 mikron styg met 0,9% tot R114,90/kg, 20 mikron daal met 1,6% tot R90,19/kg en 21,5 mikron daal met 2,5% tot R83,72kg.
Amper 96% van die 10 200 bale wat aangebied is, is verkoop. Die eerste veiling ná die Paasreses is op 3 Mei wanneer sowat 10 000 bale onder die hamer sal kom.
15 April 2011
