Die laaste veiling voor die Kersreses het vir ’n vroeë Kersgeskenk vir wolprodusente gesorg toe die mark ’n groot deel van verlede week se verlies verhaal het en Cape Wools se Merino-aanwyser 3,7% hoër op R63,07/kg (skoon) gesluit het.
Dié styging kan hoofsaaklik aan beter vraag van veral primêre verwerkers toegeskryf word, wat ook in die hoër verkoopspersentasie weerspieël word. Altesame bale is aangebied waarvan 94% verkoop is, teenoor die 88% van verlede week, wat ook die laagste dié seisoen was.
Wol van gehalte het goeie pryse behaal. Dit was veral wol sterker as 20 mikron wat vandeesweek die grootste styging van tussen 4% en bykans 7% aangeteken het.
Die gemiddelde pryse van lang, kamwoltipes (MF5) van gehalte (minder as 1% saadinhoud) was soos volg: 19 mikron daal met 4,6% tot R84,49/kg, 20 mikron verstewig met 4,6% tot R66,60/kg, 21 mikron styg met 4,4% tot R63,86/kg en 22 mikron was 5,9% duurder op R61,45/kg.
Die eerste veiling ná die Kersreses is vir 12 Januarie 2011 geskeduleer.
8 November 2010
