Wolvaardt het die provinsiale kompetisie ook in 2018 gewen. Wolvaardt en sy broer, Riaan, het in 2011 begin boer met 3 ha groen soetrissies. Teen 2022 het die Wolvaardt Boerdery gegroei tot ’n boerderybesigheid van 30 ha groen soetrissies in gespesialiseerde net-huise, 26 ha tamaties en 42 ha sitrus.
“Wolvaardt is ’n ware entrepreneur wat sy mensebestuursvaardighede en boerderyprosesse verbeter deur innovasie en tegnologie wat verseker dat die Wolvaardt Boerdery ’n welbekende, topgehalte handelsmerk is op die varsproduktemark en by kleinhandelaars,” sê me. Deidré Carter, Agri Limpopo se uitvoerende hoof.
Sy sê hoewel dit ongewoon is, is dit nie die eerste keer dat ’n jongboer ’n provinsiale kompetisie twee keer wen nie. “Agri Letaba het besluit om Hannes weer te benoem en in die beoordelingsproses was hy loshande die wenner.”
Wolvaardt se reis om te boer het lesers aangegryp. Lees die artikel uit 2018 hier.
