Die verkryging van die Martin & Martin droë troeteldierkosaanleg in Isando, Gauteng, is in April 2021 bekend gemaak. Die moderne produksiefasiliteit verskaf werk aan meer as 120 mense, insluitend professionele personeel, produksie-operateurs, tegniese en verkoopspersoneel. Om hierdie indrukwekkende fabriek in ’n winsgewende, doeltreffende produksie-aanleg te omskep wat aan konsekwente produksie-uitsette van topgehalte kan voldoen, is ’n toegespitste en toegewyde span nodig.
Die span by JOCK, met sy kliënt-gesentreerde, entrepreneuriese kultuur, is gereed om dié taak tot volmaaktheid uit te voer.
JOCK Hondekos is al jare lank ’n huishoudelike naam in Suid-Afrikaanse diereliefhebbers se huise. Die troeteldiervoedingsbedryf het oor die jare ’n magdom veranderinge ondergaan, maar een ding wat konstant bly, is die gehalte van die hoogs smaaklike en gebalanseerde troeteldierkos, wat fundamenteel tot die welstand van mense se harige vriendjies is. JOCK se reeks hondekos is wetenskaplik geformuleer om die held in ‘n mens se hond na vore te bring, want helde word nie gebore nie, hulle word gemaak.
Die JOCK-handelsmerk het ’n gevestigde reputasie vir die lewering van kos van konsekwente gehalte teen ’n billike prys, gerugsteun deur onoortreflike kliëntediens.
Kernbestanddele wat in die maatskappy se reeks hondekos gebruik word, word plaaslik verkry, aangesien die besigheid ’n sterk ingesteldheid het om die Suid-Afrikaanse landboubedryf te ondersteun. Slegs plaaslik-geproduseerde mielies en pluimveevet word gebruik om JOCK te vervaardig.
As diereliefhebbers verstaan JOCK dat sy kliënte nét die beste vir hul viervoetige maats wil voorsien. Daarom word JOCK met slegs die beste gehalte bestanddele vervaardig om in honde se voedingsbehoeftes vir optimale gesondheid te voldoen. Met topgehalte bestanddele is die reeks uiters smaaklik en heilsaam vir honde.
Dit is ook ryk aan proteïene en belaai met noodsaaklike minerale en vitamiene om honde se daaglikse voedingsbehoeftes te bevredig. Goeie gehalte voeding is die sleutel tot die ondersteuning van ’n hond se gesondheid en om te verseker dat hy al die avonture van die lewe op sy liggaamlike en geestelike beste kan geniet.
Vir die JOCK-span is die nuwe produksie-aanleg ’n droom wat waar geword het. “Die JOCK-span werk elke dag onverpoos om meer troeteldiere te bedien – ons prioriteit is om elke hond se voedingsbehoeftes te bevredig deur ’n breë produkportefeulje en innoverende aanbiedinge te voorsien, wat honde help om langer, gelukkiger en gesonder lewens te leef,” sê Liezel van Bergen, bemarkingsbestuurder vir JOCK.
JOCK Hondekos is ’n trots Suid-Afrikaans vervaardiger van droë hondekos van uitstaande gehalte. Bring jou hond se innerlike held na vore met JOCK se prima-graad hondekos.
Beskikbaar by uitgesoekte veeartspraktyke, troeteldierwinkels en koöperasies.
