Die jaarlikse Mpumalanga-skou het ten doel om die provinsie se erfenis te vier en weer eens geleenthede te skep om individue, belanghebbendes en Mpumalanga as geheel te bevoordeel. Vanjaar sal die vierde Mpumalanga-landbouhandel-en-familieskou plaasvind van 24 tot 27 Augustus 2022 by die Mbombela-stadion in Mbombela (Nelspruit.)
Die Mpumalanga-skou sal die beste van Mpumalanga ten toon stel met ’n spesiale klem op die landbou, bosbou, mynbou, toerisme en natuurlewe.
Die skou sal spog met landbou- en bosboumasjinerie, motorhandelaars, unieke uitstallings en kosstalletjies, verskillende diererasse, verskeie kompetisies, vertonings en demonstrasies, kulturele dansgroepe en ekstreme en regstreekse vermaak.
Die Mpumalanga-skou sal twee skooldae hê op 24 en 25 Augustus 2022. Skoolgroepe sal die geleentheid kry om die skou te besoek vir ’n beplande toer. Hul besoek sal die vee-area met al die diere insluit. Skole moet vooraf registreer. Registrasievorms is op die webwerf www.thempushow.co.za beskikbaar.
Sperdatum vir skoolregistrasies: Maandag 1 Augustus 2022.
Vee
’n Nuutjie vir die skou is ’n bul-rodeo in die vee-arena. Ruiters sal hul vaardighede op agt bulle toets en kyk wie die langste kan bo bly. Demonstrasies sal op Woensdag 24 en Donderdag 25 Augustus plaasvind, met twee vertonings per dag op Vrydag 26 en Saterdag 28 Augustus. Aksie in oorvloed en ’n geleentheid wat nie misgeloop moet word nie!
Verskillende rasse van plaasdiere soos beeste, skape, bokke, hase, duiwe en pluimvee word ten toon stel.
Perdryspeletjies soos vaatjiewedrenne, spoedpatroonwedrenne en tydspeletjies vir ruiters én perde sal gehou word. Perde wat aan hierdie byeenkoms deelneem, moet vinnig wees, maar ook rats genoeg om vinnig in volle vaart te stop, om te draai en direk terug te hardloop.
Regstreekse vermaak op die hoofverhoog sal die volgende kunstenaars insluit:
Woensdag, 24 Augustus – Saterdag, 27 Augustus
Juanita du Plessis, Demi-Lee Moore, Ray Dylan, Bok van Blerk, Ndlovu-jeugkoor, Jan Jan Jan, Refentse, Touch of Class, Micasa, Franja, Ruan Josh, Snotkop, Rikus Nel, Campbell, Siki Jo-An, Droomsindroom, Rooksein, Armand Hofmeyr, Simone, Van Pletzen, J’sen Brown, Hennie & die Kitaarkêrels en kulturele dansgroepe.
Hoogtepunte vir 2022 sal insluit:
’n Groter kinderspeelpark (mallemeule) met ’n vlooimark.
Super Inflatable Adventure Island – die eerste keer in Mpumalanga.
Monstertrokvertonings, insluitende drifting and dyno-karre.
Le Rich- elektriese motorfiets: waagtoertjievertonings.
Stoei.
Perdryspeletjies, insluitende vaatjiewedrenne, spoedpatroonwedrenne en perdespring.
Vee-uitstallings, insluitend beeste, skape, bokke, hase, hoenders.
’n Ander soort sirkus, sonder diere – insluitende snaakse narre, sweefstokvertonings, lugartieste (Balancers to Death), Globe of Death, vuurvreters, koordlopers, goëlaars en towenaars.
Wilde diere by die skou sal insluit ’n slang- en reptielpark en ‘n vertoning met lewende krokodille.
4x4-hindernisbaan.
Kompetisies:
Aweh-braaikompetisie, visuele kunskompetisie vir volwassenes, koekkompetisie, Mej. Mpumalanga-skou-ambassadeur.
Kompetisies:
a. Vanjaar word ’n groot visuele kunsuitstalling vir volwassenes aangebied. Hannes Scholtz van The Greater Kruger-kunsvereniging nooi alle kunstenaars om te kom uitstal en in te skryf vir die visuele kunskompetisie. Groot pryse op die spel.
b. ’n Aweh-braaikompetisie word aangebied met die bekende Vaatjie van Toks & Tjops as een van die beoordelaars. Die aanvanklike beoordeling is op Donderdag 25 Augustus en die eindronde met ’n “verrassingsboks met ’n twist” op Saterdag 27 Augustus 2022.
c. Besonderhede van die koekkompetisie sal binnekort bevestig word.
Daar sal vir al die besoekers aan die skou ’n veilige parkeer-en-ry-diens wees vanaf Halls tot by die hoofingang van die stadion. Sekuriteit en motorwagte sal op die terrein wees. Daar sal ook oorgenoeg parkeerplek wees op die sokkerveld oorkant die hoofhek.
Binne die terrein sal die HOP & STOP LNR-skoupendeldiens daagliks beskikbaar wees.
Die skou ondersteun plaaslik en nooi alle maatskappye in die Laeveld om te kom spog met hul besighede en die buitelewe saam met hul gesinne te kom geniet.
Besoek die webwerf www.thempushow.co.za of Mpumalanga-skou se Facebook-blad vir nog inligting of navrae oor kaartjies, inskrywingsregistrasievorms of kontakbesonderhede.
