Rovic Leers het onlangs die vyfde geslag van die Krone Big Pack-baler – die 1270 en die 1290 – bekend gestel, asook die Big X 780 wat die jongste toevoeging is tot die Big X-familie met sy Easy Flow 380S-snytafel en kragtige Liebherr-enjin.
Rovic Leers verskaf die afgelope 95 jaar landboutoerusting aan Suid-Afrikaanse boere. Dié toekomsgerigte maatskappy spesialiseer in ’n wye reeks werktuie en is ’n trotse invoerder van Krone, ’n Duitse landboumasjinerievervaardiger wat een van die wêreld se voorste en innoverendste vervaardigers van oestoerusting en -masjinerie is.
Die nuwe reeks Big Pack-balers is die produk van jare se innovasie en intensiewe ontwikkeling om die landboubedryf ’n baler te bied wat al die bekende tegnologieë insluit. Omtrent al die bestaande kenmerke is vernuwe en aangepas volgens die verbruiker se behoeftes en om die werktuig se doeltreffendheid te verhoog. Dit sluit ’n langer baalkamer in wat vir stewiger, stywer en swaarder bale sorg, asook ’n hidrouliese waaier wat die knoper deurentyd skoon hou.
Die VariCut-stelsel gee die verbruiker die keuse van 26 lemme tot 51 lemme. Dit kom ook toegerus met splinternuwe baaltoubokse.
Die veranderlike-vulstelsel-kring bring verseker maksimum produktiwiteit. Die sensorswaai word deur ’n hoeksensor gemonitor. As daar nie genoeg strooi in die baalkamer is om ’n goeie baal te lewer nie, word die elektriese rem geaktiveer. Die pakkers gaan dan voort om die voorkamer heeltemal te vul. Dan swaai die kamrat-voerband uit die pad en die voerhark druk die materiaal in die baalkamer in.
Dit is hoëprestasie-balers wat beïndruk.
